Su stendardu di Gabriele Ortu

Autori contemporanei
affermati, emergenti ed esordienti

Racconto di
Gabriele Ortu

^{Su
stendardu}

^{"Ponimì
su stendardu candu mi tramudas."-Naràt a
s'amiga, Angiulina.}

^{Custus
fueddus ddus ripitiat dogna tantu, ai custa amiga, de
candu haiat cumprendiu chi fiat arribada s'ora
sua.}

^{Si
boliat presentai a Deus cun su stendardu chi portaiat
sempri in is processionis de sa Cida Santa; crediat
aici de essi' arricia cun prus riguardu.}

^{Fiat
una pipia, candu sa biada de sa mama sua dd'hiat
nau:"Angiulina, de oi, su stendardu pigaddu tui, deu
no seu prus in forzas po fai' custu
traballu".}

^{Bisongiu
de isciri chi is fillas femina de sa familia insoru
teniant cust'antigu privilegiu chi ddis fiat stetiu
cuncediu de s'Obispau, sa borta chi su nonnu de sa
mama haiat salvau sa statua de Su Sarbadori, sa borta
chi is Morus, hiant postu fogu a sa Cresia de
bidda.}

^{Custu
impreu beniat passau de mama a filla po cantu essit
durada s'erenzia insoru.}

^{Angiulina
si fiat sposada giovana meda no hait tentu fillas, ma
sceti una cedda de mascus e cun issa, imoi, benit a
fini' s'antigu privilegiu 'e su
stendardu.}

^{A
morti sua infatis depit torrai' a sa cresia e hat
essiri s'Arretori a dezidiri a chini intregai su
stendardu.}

^{Angiulina
hat peròu pensau in tempus, e s'est premunia.
Infatis hat fatu fai' a is mongias de clausura de
Casteddu unu stendardu uguali a i cussu de Su
Sarbadori po nd'iddu podi' pigai cun issa a morti sua,
e hat lassau a sa Cresia, cussu
antigu.}

^{In
conca sua crediat prima de totus de scansai s'Inferru
e su Purgatoriu puru, e de essi', aici, arricia cun
totu'is onoris, in su Paradisu.}

^{Po
issa su stendardu fiat comenti 'e unu documentu de
"Libero ingresso", sa crai po podi' aberri' su portali
in su cali si passat po su restanti tempus de su
mundu, ossiat po sempiri.}

^{Ma
s'amiga, a sa cali si fiat incumandada po ddi ponni'
su stendardu a su momentu de dda cumponni', no
dd'haiat agatau, custu stendardu, e issa ses depida
presentai a Santu Perdu, cun su mucadori de seda
colori de cafelati chi usaiat candu fadiat una abisita
a calencuna persona de notu.}

^{Ma,
po Santu Perdu, Angiulina, fiat una comenti 'e is
aturus. Candu est arribau su turnu cosa sua hat
controllau su libru de Is ominis e feminas de sa terra
e: ..."Abeli, Agata, Ada...Angiulina...Sì,
Angiulina Agus; fiuda, cun cincu fillus mascus.
Berus?"}

^{"Sissi,
e femu circulina in sa Cresia de Santu Sarbadori, e
mancai no porti su stendardu, no tengu curpa peruna,
ca s'amiga mia, o s'ind'est scarescia o no dd'hat
poziu agatai e m'hanti postu in su baulu aici comenti
seu. Depiat biri arraza de stendardu bellu chi hemu
fatu preparai de is mongias de clausura de Casteddu.
Arrisparmiau a soddu a soddu cussu dinai...furau de
buca a is pipius assumancus po cosa puru.
Chissà ita fini hat'hai fatu su stendardu cosa
mia. Imoi si ddu papant' is topis, heis a
biri".}

^{"Ma
ita benit a essi' custu stendardu? - dd'hat nau Santu
Perdu - innoi contant is operas bonas e tui mi parit
chi nd'has fatu medas. Bideus su registru ita narat:
sposada a bint'annus, fiuda a trinta, lassada cun
cincu pipius! Pesaus totu cun sacrificiu e in su
timori de Deus. Famini, famini, maladias, traballandu
dì e noti e senza tenni' mancu forza. Beni,
beni, filla mia, passa ca no c'est bisongiu ne de
stendardu, ne de avemarias po tui; has patiu meda.
Bai, bai ca Deus est abetandu po ti nai brava e po
t'assegnai unu postu in sa prima fila propriu denantis
a Issu. Nd'has a biri de genti torrandu asegus
imoi."}

^{"Ma,
e senza su stendardu, pozu passai su propriu e mi pozu
seziri acanta de Issu? E candu si faint is
processionis e chini ddu pigat su
stendardu?"}

^{"Innoi
no c'est ne stendardu e ne processionis. Is
processionis sunt acabadas, filla mia, e acabada est
sa tribulia e su patiri cosa tua. Custu est logu po
gosai. No has a tenni' bisongiu de nisciunu stendardu
ne de fai processionis. Balit solu su chi has fatu in
terra. Bai, bai chi has a biri e chini t'est
aspetandu. Bai chi c'est una grandu festa aprontada
propriu po tui."}

^{"Festa?
Po mei? Ma si no hapu portau e nemancu su stendardu!
Comenti hiat essi' una festa po mei, si no nd'hapu
fatu mancu candu mi seu coiada?"}

^{"Propriu
po i cussu heus aprontau sa festa. Ca no ndas fatu
candu fiasta in sa terra e no ti ses mai lamentada.
Bai ca c'est Antoni su sposu tuu cun mama tua e babu
tuu: seis tutus in prima fila!"}

^{"E
chini dd'hiat a creiri totu custu! Una festa aposta po
mei... Hiat'essi' cosa de biri sa festa candu est
mortu s'Arretori Angioni; a issu sì chi ddiant
postu is bestiris de missa po ddu interrai. Arraza de
interru! Mi parit chi ci fiant assumancus cincu o ses
predis. Interru de prima classi dd'hiant
fatu!"}

^{"E
ita has nau? S'Arretori Angioni?"}

^"Sissi."

^{"Angioni,...
Angioni,... e ita si naraiat a
nomini."}

^{"Su
nomini est cussu; s'Arretori Angioni, no teniat aturu
nomini, issu."}

^{"Beh,
innoi no c'est nesciunu Arretori chi si narit Angioni;
adessi' stetiu mandau a calincunu ateru logu. Castiaus
in su Purgadoriu... No, no est nemancus innoi.
Inzandus est in s'Inferru. No si podit
falliri!"}

^{"Gesù
Cristu miu! No mi nerit una cosa aici, po
caridadi."}

^{"Aspeta.
Bollu castiai is registrus...
Ab...Ac...Al...An...Angioni F., e ita fiat de
Biddascarescia?"}

^{"Sissi
propriu de cussa bidda."}

^{"Infatis
no si podit sbagliai, castia, ci nd'est unu solu po
fortuna e bolis isciri aundi est stetiu mandau? A
s'Inferru e po cantu durat tempus."}

^{"Scedau...
A s'Inferru.... Unu omini aici santu...E ita
podiat'hairi fatu de mali po dd'essi' mandau a
s'Inferru?"}

^{"Angiulina,
custas sunti cosas segretas chi Deus no ddas narat
mancu a mei, ma atura segura ca si est ingunis bolit
nai chi cussa est sa paga chi meritat e imoi bai a sa
festa."}

^{"Festa
puru hap'a fai, cun custas dentis totu guastas; e ita
si ci sunti marigosus tostaus, comenti costumat a
capitai."}

^{"Bai,
bai, filla mia ca innoi est comenzandu a si formai una
fila de genti chi bolit intrai e deu depu fai su
doveri miu. Seus a biri un'atera borta.. Passa, toca,
intra".}

^{Comenti
Angiulina hat fatu unu passu aintru, ecus Antoni, su
sposu suu, prus bellu de candu fiant sposus a sa
scusi; pariat unu sennoricheddu. Pantalonis nous de
furesi beni prenciaus, nemancu unu zapulu; crapitas
allustradas luxentis che isprigu; camisa totu brodada
a manu pariat fata de is mongias de clausura de
Casteddu.}

^{"Antoni,...
Antoni,... innoi,... no mi bis, seu Angiulina, cantu
tempus fia aspetandu custu momentu. Ses torrau
giovanu, prus bellu de prima, eleganti coment'e unu
sennori, a botinus e bestimenta noa e beni prenciada e
custa cravata e chini ti dd'hat donada chi tui no
nd'has tentu mai?"}

^{"Cantu
tempus est passau, Angiulina, ma grazias a Deus ses
cun nosus;}

^{naramì:
e is pipius coment'istant?"}

^{"Totus
beni. Totus sistemaus, Antoni miu, grazias puru a is
pregadorias tuas}

^{"Beni,
Angiulina, beni a saludai a mama e a babu. Issus hanti
pregau meda prus de mei po tui e po is pipius
nostus".}

^{"Angiulina,
filla mia stimada, cantu ses bella. Sa bestimenta prus
bella oi,est sa tua. Beni a sa festa, prenda de oru.
De siguru has a seziri a peis de sa
Madonna".}

^{"A
peis de sa Madonna ? E ita bolia a dda biri assumancu
una borta a sa Madonna".}

^{"Dda
bis acanta de su Sennori, cussa femina anziana a pilus
biancus? Cuss' est sa Mama de Deus, Nostra
Sennora."}

^{Eh!
ma no dd'assimbillat nudda a Nostra Sennora de su
Cramu de sa cresia nosta, deu dda femu prus giovana e
prus bella, si bidi' chi a sa nosta dd'hant tirau
fotografia candu fiat meda prus
giovana".}

^{"Angiulina
filla cara, Issa est bella aintru, in s'anima sua, e
comente a Issa no c'est atera creadura ne in celu ne
in terra, ne po bellesa, ne po bonesa. Is ogus tuus
sunt'ancora apannaus de is cosas de su mundu e po
cussu no podis scerai beni is
cosas."}

^{"Angiulina,
beni acanta mia", dd'hat'acinnau cun sa manu sa
Madonna.}

^{Ma
comenti Angiulina hat fatu po si moviri, hat
inburchinau e si nd'est scidada e a cumprendiu ca fiat
stetiu solu unu sonniu e ca si fiat fatu tardu po
andai a su sartu. Ma fiat cuntenta su propriu po sa
bella noti ch'hait passau cun is mortus suus e cun
Santu Perdu e sa Madonna in su
Paradisu.}

Torna alla sua Home Page

PER COMUNICARE CON L'AUTORE mandare msg a gabrieleortu-mail01@yahoo.it

Gabriele Ortu, via G. Deledda n.40, 09127 Cagliari

Se vuoi puoi spedirgli una lettera presso «Il Club degli autori - Cas. Post. 68 - 20077 MELEGNANO (MI)» inserendola in una busta già affrancata. Noi scriveremo l'indirizzo e provvederemo a inoltrarla.

Non chiederci indirizzi dei soci: per disposizione di legge non possiamo darli.
©1998-1999-2000-2001-2002-2003-2004-2005-2006-2007 Il club degli autori, Gabriele Ortu

Per comunicare con il Club degli autori: info@club.it

Se hai un inedito da pubblicare rivolgiti con fiducia a Montedit

IL SERVER PIÚ UTILE PER POETI E SCRITTORI ESORDIENTI ED EMERGENTI

Home club | Bandi concorsi (elenco dei mesi) | I Concorsi del Club | Risultati di concorsi |Poeti e scrittori (elenco generale degli autori presenti sul web) | Consigli editoriali | Indice server | Antologia dei Poeti contemporanei | Scrittori | Racconti | Arts club | Photo Club | InternetBookShop |

Agg. 21-02-2007